RUTINA contrarutina

Empecipiando po lo cabero, una casa d'enaninos, mirai bien y vereis... Na aldea de Villameri, a medio urbanizar ya, tamién...

La bruxa borrina espardiendo la orfina esmeralda...

A la salía l'Ará, atacáa de goches fasta onde arranca'l camín del monte...

La guía que mos marca la rutina, de mano pa Villameri...

Pos anque que lo d'airear tamién los miollos al tiempu que los polmones nun paez mui d'apetecer pol común de la peña del R. M., un par dellos sí que ios paeció afayaízo y escontra el vientu y marea dominante ponxémonos en marcha asegún lo alcordao. La ruta acabaría siendo perllarga pos algamó les doce hores, bien que la mayor parte del camín féxose n'ales de los miollos que cargaron, per ésta, col mayor esfuerzu pa nun perdé'l pasu de lo que diba aconteciendo.

La primer parte axustóse, con incidencies, a la ruta que mos preponxo Rebeca y baxemos de l'autobús n'Ará onde sendos retratos dan cuenta de los intrépidos qu'arrostraron la propuesta. Subimos, axustándomos más o menos a los tiempos que ella ponía, fasta'l pueblín de Villameri dende un típicu día de senronda astur, llentu y tarraquitáu de ñublines, dexábanos ante la güeyá una simpar panorámica de la sierra l'Aramo. El dí entamó dendiquí a menazar pimgayón, pero aguantando entá, y siguiendo un pista de lo que foi en tiempos la vía el tren mineru de la mina Esperanza que cuerri a mediu altor pel cordal que dixebra los valles de Riosa y Mieres, dexémonos dir caminando y caciplando fasta una deses que llamen árees de recreu y dequí pa baxu ente viesques bien enrramaes de fayes, carbayos y catañales que mos abellugaben de l'orpín que ya pingaba y que, de la que lleguemos a baxu, entamó a zurdir con ganes xusto cuando una portiella deses que a dalgún i da por poner al campu féxomos aventurar per utru camín pel que foimos a salir al pie el pozu Monsacro xunta La Foz y ellí viendo como xarascaba y lo poco equipaos que díbemos escontra l'augua que pintaba nun aparar tieremos pal pueblu y tuvimos la suerte d'atopar co la llínea que garramos pa drir a la Vega, onde una hora y picu depués tendríemos un prestosu alcuentru co les visiones que Miguel Amorós tien de la realidá na que dí tres dí tamos nalando y que danquién que quiera saber qué dio de sí el restu la xorná puée entrar na páxina de la radio onde en breve tará colgao l'encuentru más formal que tuvo llugar nel Centru Social, y lluiu l'utru más informal que fixemos nun bar enreor y depués duna bona xinta, isi si vos lu perdisti allá vos, que nun queda testimoniu grabáu, y como paez que tampoco yera de mayor interés pos nun voy gastar enerxíes en baldre, que'l fuelgu da pa lo que da, collacios.

Teneis dellos, pocos ye verdá, remiellos que dexen testimoniu de daqué de lo entailao. Asina que salú y fasta pa otra, que resteni munches y perbones al "gmrm".