RIOSA. SÁBADU 9 D'OCHOBRE

como pasa que nel grupu montaña y allegaos de la QK o de cualesquier otra estaya arresulta que hailos, y hailes tamién que ios presten los discursos que discurren pe la verea autónoma y radical y como pasa que esti sábadu hai la oportunidá de atender a un de los paisanos con un pensmientu de los más interesantes nesa llínea como ye el Miquel Amorós que plantega aldericar alreor de los estrozos del TAV nel centru social de Riosa a les doce la mañana co la posibilidá de seguir darréu intercambiando criterios nun tète a téte o vis a vis o tú a tú o cara a cara al rodiu dunes sidrines o lo que a danquién y pete pos esti que vos lo cuenta centa con que taría perbién xuntá l a rutina sabadiega de triar pel mundiu alantre con esta otra menos rutinosa ocasión de salise un poco del carril, del camín habitual. Sedría tal que facer una rutina curtia de unes tres hores que mos plante pasín ente pasu pe les lladeres del valle de Riosa ena Vega, capital del conceyu onde ta el centru social.

Déxovos la propuesta que mos fai Rebeca, compañera organizadora de l'alderique, de dir dende l'Ará -penúltima parada del autobús que va a la Vega- a media lladera del cordal que separa esti conceyu del de Mieres. L'asuntu sedría garrá l'autobús del Alvargonzalez a les ocho na Estación de Autobuses onde hai que tar a les ocho menos cuartu. Que too nun ye dai fuelgu a los polmones, tamién hai que osixená los miollos y dexar que aires dotros llares mos ventilen la mollera.

El camín:

Garráis la llínea a les ocho n'Uviéu, posáis-vos na segunda parada de l'Ará.
Tiráis pal centru de salú.
Entrugáis a daquién ú ta la caleya que sal de detrás de les colomines de l 'Ará a Villamer.

Subìs ( 20 minutos o menos) llegàis a Villamer. Tenéis que coyer un camín que sal del pueblu pa La foz.
Ye un camín llanu a media ladera del cordal que pasa delantre de delles boques de mines. Nun me'alcuerdu bien, pero creo que esti camín ye una antigua llínea de ferrocarril mineru.

Vàis andando una hora y picu más o menos ( yo lo fice en bici) y de sópitu vèis que el camín tira pa embaxu, pa una mata de carbayos, castañales...Acolúmbrense les cases de la Foz allàlantrones, tras el matu, nel valle.
Baxáis pel camín y llegáis a La Foz. Entrugàis otra vegá, agora pol camín que va pa l'Ará pasando pente el pozu Monsacro y en 30 minutos, o menos,lo facèis.

N'Ará tomáis la carretera principal y nel centru Social de la Vega ( frente a la casa'l conceyu) vèmonos a les 12.00h.

. Bien, pos esta ye la propuesta, novedosa pel conteníu, pa esti sábadu pa los intrépidos y les intrépides que amén d'afrontá'l camín seyan pa confrontá les idegues