UVIÉU-BRAÑÉS 2 D'OCHOBRE DEL 2010

Equí tan les semeyes d'una de les rutes de menos afluyencia, pero por embargu tamién de les más fermoses que tien fecho'l Grupu de Montaña Ramón Mercader. Y ye que, a lo meyor, el fechu de que la ruta fuera tan cerca de la ciudá, pel Naranco, echó p'atrás a dalgún. De toes maneres ye seguru que, cuando vean estes imáxenes d'una ruta per caleyes encantadores, viesques frondoses, praeres espectaculares, y too ensin salir del conceyu uvieín, van tar deveciendo porqu'esta escursión se faiga de nuevu. Pues si ye asina, tranquilos, porque de xuru que diremos otra vez.

Esta ye la viesca que crez tres de la capiya d'Ules, per ehí esguilamos camín de El Contriz.

¡Ablucaos quedamos de lo guapo que yera!

Y dempués de pasar la cresta per El Contriz, siguimos caleyando, agora p'abaxo pela cara norte hasta Lladines.

Siempre mui atentos al camín...

...que mas guapu nun podía ser.

Dende Lladines, siguimos pel camín que xune'l pueblu con Axuyán.

Y llueu pela sienda que lleva'l caseríu de La Mazanal...

...onde les viesques nun yeren menos guapes.

Y por fin aportamos a Les Cabañes.

Comida y siestina a la sombra.

"La ruta estuvo bien", declaró el presidente.

El prau esti taba muuui pindiu.

Al fondu vese Brañes, que nin lu tocamos, pese a ser la ruta Uviéu-Brañes, pero bono, como dixo un perimportante personaxe históricu: "la coherencia nun ye n'absolutu necesaria".

Foto de grupu (pocos, pero valientes) nel Campu Cimeru.