MIÉRCOLES 8/12/2010 A PELOÑU

-Ú ta pá?
-Pá ta pa Ponga.
-Ú ta ma?
-Ma ta pa Colunga.

Aprovechando la festividá llabora derivada de la conmemoración de la preñez d'una muyer n'ausencia d'axuntamientu carnal de nengún tipu, el Grupu de Montaña Ramón Mercader va investigar los posibles oríxenes africanos de la llingua asturiana na pongueta viesca de Peloñu, sita esta nel conceyu ponguetu, ellí mesmo aú ta pá.
Eso sí, la escursión va ser aventura aventura, yá que la concienzuda investigación de mapes variaos y testemuños d'otros que fueron per eses tierres enantes que nosotros nun aporta información clara, colo que nun sabría bien dicir la distancia que vamos percorrer, tampoco'l desnivel a superar, por nun tener nun tengo yo mui claru hasta ónde vamos tener que dir en coche, pero bueno, tampoco nun pasa nada, qu'una viesca ye una viesca, y el casu ye metese n'ella, nesi momentu podremos caleyar, meditar, perdenos... toles opciones tan abiertes.
En too casu los interesaos que tean el miércoles a les 8 de la mañana na plaza de Los Ferroviarios pa tirar p'allá.

LA CRUZ DE L.LINARES - CUALLAGAR

UNA VEZ MÁS, EL GRUPU DE MONTAÑA RAMÓN MERCADER, DISPUESTU PA LA CONQUISTA DE MAS MONTAÑES ASTURIANES

PARTIMOS CALEYA ALANTRE, NUN FACIENDO CASU DEL FRÍU MAÑANERU (YE COÑA, YEREN LES DIEZ POLO MENOS)

LA MOSTAYAL YE GUAPA SE VEA DENDE ONDE SE VEA. CUALQUIER DIA VAMOS TENER QUE SUBILA

Y A LA COLLADA D'ACIERA LO MESMO VAMOS TAMIÉN, SERÁ POR SITIOS

ENTE LA REDONDELA Y COBALLOS, SIGUÍAMOS CAMÍN DE CUALLAGAR



L'AIRE TABA INCREYÍBLEMENTE CLARU

QUE CERQUINA SE VÍA UVIÉU


Y MESMO LA MAR

DE TOES ESES MONTAÑES NAMÁS ACIERTO A RECONOCER PEÑA RUEDA, QUE TA ALLÁ ALANTRONES AL FONDU



Y SIGUÍAMOS EL NUESU CAMÍN

YÁ SE VÍA EL CORRU QUE TA NEL ALTU DEL PRAU DE CUALLAGAR




ESTA YE LA CUEVONA DE CUALLAGAR, ENSIN DULDA UNA PUERTA D'ENTRADA A OTRU MUNDU



PERO EN CUENTA DE VISITAR OTRU MUNDU, QUIXIMOS MÁS TORNAR PA ONDE'L CORRU Y COMER AL SOLÍN


ENANTES DE SIGUIR EL CAMÍN


ENTE RESTOS GANADEROS




Y FERMOSES VISTES

ESTO YÁ YE SUBIENDO AL PICU L'ORAL

DEND'ARRIBA VÍENSE PERBIEN UVIÉU, XIXÓN, LA MAR...

L'ARAMO, LES UBIÑES



LOS LLAGOS DE CUALLAGAR


LOS CABALLINPS TAN MESMO NA CUME (1428 Ms.)


LOS CONCEYOS DE TAMEZA, GRAO, SALAS...

Y A ENTAINAR PA LOS COCHES, QU'EL CIELU DEXÓ DE TAR TAN GUAPU P'AMENAZAR TORMENTONA
Y POR MÁS QUE CORRIMOS, CAYONOS UNA GRANIZADA BUENA


ASINA QU'ESTA VEZ, EN CUENTA DE SIDRA, CAFETINOS Y COLACAOS PA FINAR LA XORNADA.

MONTES DEL INFIERNU 17/10//2010

COMO DICEN QUE VAL MÁS TARDE QUE NUNCA, UN MES DEMPUÉS EQUÍ TENÉIS LES SEMEYES DE LA RUTA PELOS MONTES DEL INFIERNU.

EQUÍ PODÉIS VER A LOS AGUERRÍOS MIEMBROS DEL GRUPU ENANTES D'ADENTRASE'N TIERRES DEL INFIERNU

ONDE DIBEN SER RECIBÍOS POR ESPANTOSES VIESQUES




AGÜES DEMONIAQUES




PERO NADA NUN AMEDRANTA A ESTA XENTE




ASINA QUE P'ALLÁ VAMOS



SIEMPRE CAMÍN ALANTRE



AVANZANDO PELA CUENCA'L RÍU INFIERNU


ESTI AMIGU XUNTÓSENOS UN PEDAZU DEL CAMÍN





POCO A POCO APORTAMOS AL RÍU MOÑACOS Y LES SOS FOCES





NA PRADERÍA DE MOÑACOS, CON UNA BUENA XINTA, UNOS CUANTOS TIROS Y UN IMPROVISÁU BAÑU NEL RÍU DIMOS POR CONCLUYÍA LA NUESA TRAVESÍA, NAMÁS NOS QUEDABA TORNAR...


...Y ¡COMO NON! ACABAR CON UNES SIDRINES NEL INFIESTU.